तिम्ले जति नै माया दिए पनि मेरो माया
मुटुको तिर्खा मेटिने छैन यो जुनीभरिमा
तिमीलाई जति नै दिऊँ यो मुटुबाट झिकेर
माया यो मेरो सिद्धिने छैन सैयौ सय जुनीमा
आँशुका झरीले व्यथाका बादल लिई आएर
कहिले सक्ने छैनन् पखाल्न धमिल्याउन
हर्षको सीमा नाघी न बने बर्सिदिए पानी
कहिले सक्ने छैन बढ्न माया यो भन्दा बढी
तिम्ले जति नै माया दिए पनि मेरो माया
मुटुको तिर्खा मेटिने छैन यो जुनीभरिमा
धर्तीले समेटी उठिदिएछ माया यो हाम्रो
क्षितिज नाघी फैलिदिएछ अनन्तसम्म नै
दुईटा मुटु बोलेछ त्यहाँ एउटै आत्मामा
स्वर्ग र धरा बस्छ त्यहाँ एउटै आँगनमा
तिम्ले जति नै माया दिए पनि मेरो माया
मुटुको तिर्खा मेटिने छैन यो जुनीभरिमा
शब्दः चाँदनी शाह
सङ्गीतः नातिकाजी
स्वरः तारादेवी
