सम्पूर्ण सङ्गीतप्रेमीहरूलाई सङ्गीतमालामा हार्दिक स्वागत छ।
गीत मात्रै होइन, शब्दहरू पनि सङ्गीतका अभिन्न अङ्ग हुन्। यसै भावनालाई आत्मसात् गर्दै यो वेबसाइट तयार पारिएको हो। यहाँ तपाईँहरूलाई मन पर्ने नेपाली गीतहरूका शब्दहरू शुद्ध, स्पष्ट र सही रूपमा लेख्ने पूर्ण प्रयास गरिएको छ, जसले गर्दा गीत खोज र तिनको गहिराइमा डुब्न यो साइट तपाईँको उत्तम गन्तव्य बन्न सकोस्।
नेपाली गीतका शब्दहरू देवनागरी लिपिमा सजिलै नभेटिने समस्या समाधान गर्न र गीतका सर्जक, सङ्गीतकार तथा गायक-गायिकाहरूप्रति सम्मान व्यक्त गर्नका लागि सङ्गीतमाला जन्मिएको हो। यहाँ विभिन्न विधा र कलाकारका गीतहरूको सुन्दर सङ्ग्रहले तपाईँको सङ्गीतमय यात्रालाई अझ रमाइलो, भावपूर्ण र अर्थपूर्ण बनाउने छ भन्ने हामी गहिरो आशा राख्दछौँ।
चाहे गीत गुनगुनाउनु होस्, शब्दहरूको अर्थ बुझ्नु होस् वा कुनै विशेष धुनको भावना महसुस गर्नु होस्— हामी तपाईँलाई हरेक गीतको नजिक ल्याउन निरन्तर प्रयास गरिरहेका छौँ।
सङ्गीतको यस शब्दमय संसारमा रमाउनुहोस्, आनन्द लिनुहोस् र आफ्नो मनको गीत खोज्नुहोस्।
धन्यवाद
दीपा काफ्ले
