जहिले आऊँ जुन बेला
तिमी दैलो खोल, खोल, खोल
नलुकाई मुहार त्यो
तिमी घुम्टो खोल, खोल, खोल
जहिले आऊँ जुन बेला
तिमी दैलो खोल, खोल, खोल
वसन्तमा कोयलीले बोले जस्तै बोली
वसन्तमा कोयलीले बोले जस्तै बोली
हिमालमा डाँफेले झैँ पङ्ख मनको खोली
हिमालमा डाँफेले झैँ पङ्ख मनको खोली
मानिसको छोरी तिमी परीले झैँ नाच
चोखो माया मलाई देऊ मुस्कानले ढाक
जहिले आऊँ जुन बेला
तिमी दैलो खोल, खोल, खोल
नलुकाई मुहार त्यो
तिमी घुम्टो खोल, खोल, खोल
बास्नाको फूल फुले हुन्छ मगमग
बास्नाको फूल फुले हुन्छ मगमग
प्रीति रहे अजम्बरी हुन्छ जगमग
प्रीति रहे अजम्बरी हुन्छ जगमग
मायालुको माया जोख्ने मिलनको बेला
चाहनाको इच्छा गर ईश्वरले देला
जहिले आऊँ जुन बेला
तिमी दैलो खोल, खोल, खोल
नलुकाई मुहार त्यो
तिमी घुम्टो खोल, खोल, खोल
शब्दः भैरवनाथ रिमाल ‘कदम’
सङ्गीतः नातिकाजी
स्वरः फत्तेमान राजभण्डारी
