एउटा खुल्ला किताब हुँ म
तिमीले पनि पढे हुन्छ
अरूले जस्तै बुझेपछि पन्नाहरू च्याते हुन्छ
एउटा खुल्ला किताब हुँ म
तिमीले पनि पढे हुन्छ
बेमौकाको बादलसरि कति चोटी फाटिदिएँ
बेमौकाको बादलसरि कति चोटी फाटिदिएँ
जसले मलाई बुझे भन्थ्यो उसकै पनि उपहास पाएँ
जसले मलाई बुझे भन्थ्यो उसकै पनि उपहास पाएँ
एउटा खुल्ला चिठ्ठी हुँ म
तिमीले पनि पढे हुन्छ
अरूले जस्तै पढेपछि बेकार सम्झी फाले हुन्छ
एउटा खुल्ला किताब हुँ म
तिमीले पनि पढे हुन्छ
निष्ठुरीको आस्थाबाट कति चोटी टुक्रिसकेँ
निष्ठुरीको आस्थाबाट कति चोटी टुक्रिसकेँ
जसले मलाई सबथोक ठान्थ्यो उसकै पनि म रेत भएँ
जसले मलाई सबथोक ठान्थ्यो उसकै पनि म रेत भएँ
एउटा सादा कागज हुँ म
तिमीले पनि लेखे हुन्छ
अरूले जस्तै लेखेपछि अनर्थ सम्झी मेटे हुन्छ
एउटा खुल्ला किताब हुँ म
तिमीले पनि पढे हुन्छ
शब्दः जश योञ्जन प्यासी
संगीतः कर्म योञ्जन
स्वरः डेजी बराइली
