वीरताको चिनो वीरको सन्तान
शहिदको रगत लाहुरेको निशानी
अब तिम्रो हातले लेख्नु छ
जुगले भुलेको हाम्रो कहानी
वीरताको चिनो वीरको सन्तान
शहिदको रगत लाहुरेको निशानी
अब तिम्रो हातले लेख्नु छ
जुगले भुलेको हाम्रो कहानी
वीरताको चिनो वीरको सन्तान
जन्म लियौ यो भिर पखेरामा
रोज्नु छ आफै तिमीले यो माटो
उभिन खोज्ने कलिला खुट्टा
कोर्नु छ आफै तिमीले गोरेटो
अब तिम्रो हातमा उदाउने छ
नयाँ इतिहासको नौलो बिहानी
वीरताको चिनो वीरको सन्तान
झर्ना जस्तै चोखो रगत मागेर
खोलाको बग्ने उमंग लिएर
पहाडको अटल विश्वास मागेर
हिमाल झैँ निधार श्रृंगारिदिन्छु
अब तिमीले यहाँ सजाउनु छ
आफ्नै धर्तीमा माटोको सिरानी
वीरताको चिनो वीरको सन्तान
गर्भमै सिक्यौ खुकुरी चलाउन
पर्दैन सिक्न बारुद खेलाउन
नेपाली हौ तिमी संसारै जित्ने
पर्दैन वनको काँडालाई तिखार्न
अब खुकुरीसित कलम यो
दिन्छु तिमीलाई मेरो निशानी
वीरताको चिनो वीरको सन्तान
शहिदको रगत लाहुरेको निशानी
अब तिम्रो हातले लेख्नु छ
जुगले भुलेको हाम्रो कहानी
वीरताको चिनो वीरको सन्तान
शब्दः तुलसी घिमिरे
संगीतः रञ्जित गजमेर
स्वरः नारायण गोपाल
