निर्दोषी नयनहरूका के दोष नै छ र
गाजलु आँखाभरि आँशु झारेर बाँच्नु पर्ने
न्यानो घाम अब लाग्ने छैन के भन्नु
क्षीतिजमा भोलि उज्यालो हुँदैन र
कसले भोलि देखेको छ र
कसले भोलि देखेको छ र
भविष्य भन्नु त के भाग्यलाई कसले बुझेको छ र
पालेको मनमा खुशीयालीहरू रित्तिए के सोच्नु
हेर्दा हेर्दै मौका आउँछ कसलाई पर्खेको छ र
छेक्दा छेक्दै बगेको खोला कहिले फर्केको छ र
कसले भोलि देखेको छ र
कसले भोलि देखेको छ र
वीरले त सम्हाली हिँड्छ काँडाको यात्रा पनि
मनै छुने गुलाफ मात्र कहिले रोएको छ र
अँगाल ती फुस्रा अधरमा रङ्गिन मुस्कानहरू
वनै ढाक्ने लालीबिना गुराँस खुलेको छ र
कसले भोलि देखेको छ र
कसले भोलि देखेको छ र
निर्दोषी नयनहरूका के दोष नै छ र
गाजलु आँखाभरि आँशु झारेर बाँच्नु पर्ने
न्यानो घाम अब लाग्ने छैन के भन्नु
क्षीतिजमा भोलि उज्यालो हुँदैन र
कसले भोलि देखेको छ र
कसले भोलि देखेको छ र
कसले भोलि देखेको छ र
शब्दः जि. शाह
सङ्गीत: दिपक जंगम
स्वरः दिपक खरेल
