यो खोलाको सङ्लो पानी…………

यो खोलाको सङ्लो पानी खाइ जाऊँ खाइ जाऊँ लाग्छ
मोहनी लाउने कान्छीलाई लैजाऊँ लैजाऊँ लाग्छ
पल्लो घरकी कान्छीलाई लैजाऊ लैजाऊ लाग्छ

लामो कालो कपाल लत्री भुइ छोएझै लाग्छ
झिमझिम झिम्की परेलाले बोलाएझै लाग्छ
मोहनी लाउने कान्छीलाई लैजाऊँ लैजाऊँ लाग्छ

वनको पिपले छायाँमा सँगै बसौँ बसौँ लाग्छ
बाटुला राम्रा ती आँखामा लुकौँ लुकौँ लाग्छ
मोहनी लाउने कान्छीलाई लैजाऊ लैजाऊ लाग्छ

गोरेटोमा पहाड गीत गाइदिऊँ गाइदिऊँ लाग्छ
जीवनभर नछुट्ने माया लाइदिऊँ लाइदिऊँ लाग्छ
मोहनी लाउने कान्छीलाई लैजाऊँ लैजाऊँ लाग्छ
यो खोलाको सङ्लो पानी खाइ जाऊँ खाइ जाऊँ लाग्छ
मोहनी लाउने कान्छीलाई लैजाऊँ लैजाऊँ लाग्छ
पल्लो घरकी कान्छीलाई लैजाऊँ लैजाऊँ लाग्छ

शब्दः रत्न शम्शेर थापा
संगीत/स्वरः माणिक रत्न