तिम्रै सुन्दर हरियालीमा
तिम्रै शीतल वक्षस्थलमा
यो कविको शैशवकाल बित्यो
हाँस्यो, खेल्यो, वनकुञ्ज घुम्यो
मेरो प्यारो ओखलढुङ्गा
मेरो प्यारो ओखलढुङ्गा
मेरो प्यारो ओखलढुङ्गा
मेरो प्यारो ओखलढुङ्गा
जब म चढेर भावको डुङ्गा
सैर गर्छु स्मृतिको प्रिय गङ्गा
जब म चढेर भावको डुङ्गा
सैर गर्छु स्मृतिको प्रिय गङ्गा
स्वप्न गगनबाट सुशीतल जल
सुखस्मृतिको बर्सन्छ रिमझिम
मेरो प्यारो ओखलढुङ्गा
मेरो प्यारो ओखलढुङ्गा
कुसुमाकरको आँचल पक्री
कुसुमाकरको आँचल पक्री
मलाई कति खोज्दी हुन् प्रकृति
मृग-शावकहरू उफ्रीउफ्री
तरु-लतिकाहरू हल्लीहल्ली
मेरो प्यारो ओखलढुङ्गा
मेरो प्यारो ओखलढुङ्गा
ती अविरल परिश्रमी पतकर
द्रुतगामी निर्झरतुल्य चपल
ती अविरल परिश्रमी पतकर
द्रुतगामी निर्झरतुल्य चपल
बहँदै वन-वनमा चारैतिर
खोज्दा हुन् मेरो पदको पथ
मेरो प्यारो ओखलढुङ्गा
मेरो प्यारो ओखलढुङ्गा
तामाकोशी, त्यो सुनकोशी
तामाकोशी, त्यो सुनकोशी
त्यो गिरि फोरी बहने रोसी
मेरो हृदयको तिम्रो चित्र
पारिरहन्छ हरदम पवित्र
भाग्य लहरमा लहरी लहरी
भाग्य लहरमा लहरी लहरी
पुगेँ म यस मरुथलमा कसरी?
तर खेद छैन तिम्रो आकृति
लेखिएको छ यो हृदयभरि
लेखिएको छ यो हृदयभरि
लेखिएको छ यो हृदयभरि
मेरो प्यारो ओखलढुङ्गा
मेरो प्यारो ओखलढुङ्गा
मेरो प्यारो ओखलढुङ्गा
मेरो प्यारो ओखलढुङ्गा
शब्दः सिद्धिचरण श्रेष्ठ
संगीत/स्वरः नारायण गोपाल
